返回列表 回復 發帖

2017年6日5夜福州、廈門休閒美食遊(全卷完多相)



今日一個人在福田口岸搭地鐵到深圳北,之前提早兩日在網上買定深圳北到福州既動車車票,但係上網買票有樣野唔好,就係要去到現場排隊拿票,自動出票機又唔適合回鄉證的,現場去排隊又無專屬拿網上購票既窗口喎!搞到排好耐隊,特別好多人排隊改簽的!所以真係要提早到火車站,因為還要預留時間安檢!



通過安檢後,個心才定下來,雖然自已係提早好多時間到達,但唔知現場要辦幾多時間嘛!



我買了早上9點18分既車票,到福州要5個幾鐘



終於夠鐘入閘





買了一等座,坐得舒服些,動車亦好準時就開車



其實今次返鄉下係早排收到親戚電話,講外婆突然安詳地走了,啊媽同家姐就提早先返鄉下打點,我就因為要返工,所以較遲才回,在車上一直回想著小時候同外婆既段段畫面,因外婆好錫我,但自已亦好多年無返去探望,心裡有些後悔!



都唔知係咪咁巧合,隔離位竟然係位女尼姑!





沿路風景都係山同田



經過幾小時既車程到達了泉州,咁應該好快就到了,心裡越黎越急,到了福州就坐白牌車回閩安村



一到步就見到儀式在進行中,我亦即刻加入



儀式一直做到黃昏才暫停,因夠鐘食晚餐



現場都係d親戚同街坊





特色拼盤:我只集中食滷雞腳



膏蟹糯米飯:又係傳統菜,蟹膏好爆嘻嘻



白灼海蝦:幾鮮甜



象拔蚌刺身:夠晒凍好脆口好甜,不停咁食^^



白灼花螺:灼得剛剛好,唔會韌



清蒸龍蝦:簡直浪費了隻龍蝦!



片皮鴨:一般



清蒸石班魚:一般



海蜇頭:好懷念這個醬,係用蟛蜞同酒糟做成既,不過這款係很一般的,要有蟛蜞碎那種才是最正



鮑魚湯:一般



酥炸魔鬼魚邊:無試



西芹炒螺片:螺片唔會炒得唔錯



清炒甜豆:唔錯



素湯:無試



海鰻魚湯:用黃酒煮既鰻魚湯,啖啖肉唔錯



另一款海鰻魚湯:我都飽到飲唔落喇!



炒肉糕:家姐既最愛,傳統食品,係用地瓜粉、白糖和水調和成漿 ,然後放在鐵鍋裡用豬油炒出來的膏狀甜食



晚餐好豐富,多到都食唔晒!



晚上宵夜就係牛什粉,湯底好濃好好飲,牛什好足料,不過就比較韌同黐牙,都要成$15蚊碗




第二日既早餐,係白粥配些小菜



一大早儀式又繼續



鄉下既儀式係比較隆重,不過現在已簡化了唔少



呢個係午餐,又海鮮又佛跳牆

儀式完結後,我就去了亭江自已鄉下行下,十幾年沒回來了,聽講已變了好多!



呢個係我們既宗祠,現在都無人打理了,成條街都在重建!




呢些有特色既建築物都要拆,真係好可惜



呢口井細個時好多人在這打水洗衫架



紅色那間係舅父既舊居同理髮店



這依姆扁肉店係好深回憶的細個時啊爺帶我睇完戲就會去這店幫襯,不過店主好早期已移民美國,現在易主俾其他人做,已唔係當年最好食既扁肉店了!



這裡係係我們既祖屋,不過四周圍已完全改變晒



係一間四合園既大屋,裡面分了好多戶








呢些室內相片已係2006年影的!



外面既花園







隔離附近都已開始清拆,係剩下我們那間未有消息!






後門



後門還有一口井的





之後在附近再行下






返鄉下食得最多就係西瓜,超甜
[隱藏]




第二日約了表哥食早餐,在酒店門口搭三輪車過去



扁肉同拌麵係我既最愛,特別係尚干既最為正宗,什麼沙縣小食真係彈開一邊啊!



這間店表哥講都係老字號,但我從未幫襯過!



呢個就係扁肉,裡面係豬肉餡,這店堅持用手剁既,皮薄餡少




湯頭用豬骨熬製,絕對唔馬虎的,不過食之前一定要加點醋,超美味架



拌麵既靈魂主要係麻醬,我起碼要食兩碟才夠



食飽後就行下街市





表哥見到有靚既山竹,買了一籮,好清甜



下午就同家人去福州行下,安泰樓係百年老店,我只是路過

我們主要去三坊七巷行下,不過福州既天氣真係好熱好熱!



天氣實在太熱喇,去了孫記坐低飲下野,原本想飲涼茶既,點知變了賣甜品的!



而且價錢都幾貴下





橄欖汁我好喜歡飲架,忍唔住買黎邊行邊飲,果然好橄欖



同利肉燕係百年老店,但其實對我黎講就無咩特別,因細細個都經常食,都係自家包既





不過值得一提,這裡既燕皮真係比較彈性,比外面食既明顯質素高些,一試無訪





另一間永和魚丸,同樣係老店,質素如何?真係要試試,其實福州魚丸我記得小時間都係自已去買些門鱔,然後交俾專門打魚丸既人去做,所以百份百有魚味同彈性



我分別點了一碗魚麵、什錦魚丸及魚丸,不過咬了一口,覺得魚丸真係好普通,魚麵還可以,都係名過於實的!





我們無好認真去行三坊七巷,雖然遊客唔多,但太陽真係超曬,提唔起勁去行



之後回家姐住既酒店沖涼及休息下,晚些才慢慢行去食晚飯,今晚選擇在老福州飯店,食下些懷舊菜先





芋頭粿:芋頭味唔太濃,品嘗過美味的已成回憶



蠔仔豆腐湯:蠔仔份量好足,湯頭亦夠鮮,幾好



特色炒米粉:米粉唔同廣東的,其實係叫興化粉,麵質比較幼細,我應該點海鮮炒既比較好!



拌魚唇:魚唇都幾厚身,而且一點腥味都無,唔錯





佛跳牆:裡面材料係幾足,不過湯頭就比較普通,不過聚春園佛跳牆亦唔係我杯茶,因為酒味太濃了!



紫菜蠔仔煎:粉漿太厚了!



荔枝肉:個醬汁調得唔錯,咬落啖啖肉



家燉小黃魚:小黃魚既肉質真係好嫩滑架,不過要小心細骨



單據



宵夜又係牛什米粉

第二日早上係外婆出殯既日子





相中前面就係閩安村,現在起了很多復古既建築物



鏡頭一轉已在福州西禪寺,爺爺、嫲嫲外公、外婆都係安放在這裡,環境幾好架





安放好外婆,儀式就正式完結





晚餐就在阿姨家食蜆肉絲瓜米粉,還有肥美既聖子^^

明天就係出發去廈門,帶啊媽去散心

[隱藏]

2017年6日5夜福州、廈門休閒美食遊-day1(廈門編)

今早食完個早餐後就要出發去福州火車南





臨離開鄉下前,帶啊媽黎品嘗拌麵同扁肉,反正自已都好想食

我們坐公巴車到馬尾,再轉車到火車南站,都好方便同價錢才$3-4蚊位



話咁快就到了福州火車南站,今次在窗口取票唔洗用好多時間



通了安檢後,去廈門既班次還有一段時間才夠鐘,所以就在候車區休息下



終於等到夠鐘入閘



我媽幾似背包客hahaha








今次坐二等位,因為車程比較短,但都要兩個幾鐘



到了廈門後,我們去公交車站那出口



出了火車站就好容易見到梧村公交車站,另外在梧村地下街裡面都有個公交車站的



我們坐26號公交車,在濱北中行站落車



原來係雙層巴士,感覺都幾好喎



一落車後,前面就係瑞提拉酒店,我在攜程訂房,還有回贈,最重要這酒店價錢合理同交通算方便



酒店大堂



呢款專bb車又幾得意喎








房間就唔算好大,但勝在幾企理同有免費WIFI





洗手間



在酒店沖個身後,就出發去食晚餐先
[隱藏]

2017年6日5夜福州、廈門休閒美食遊-day1(廈門編)





工商銀行就係車站,所以離酒店好近,在廈門要善用公交車,去景點好方便的,最緊要每程才$2蚊位!



到廈門第一餐就想食海鮮,選擇了這間上青本港海鮮餐廳





海鮮種類都唔少,不過我們得兩個人,所以唔會點得多,加上自已都做過下功課,在睇海鮮時,女職員負責幫我落單,但可能見我睇黎睇去,就有個像老闆既男人走黎招呼我,我就俾他看我想要既海鮮啦,這男人就講有些海鮮係季節性既,所以有些係無,最後他都推薦了我食招牌金鍋真鯛麵線,我再點多個白灼魷魚筒,老闆見到價錢係$98蚊斤,就同職員改返個價錢表,因來貨才$88蚊斤喎,又幾老實喎,而且不段同我講唔好再點,兩個人怕食唔晒個鍋!所以點了兩樣野,埋單才$196蚊





醃蘿蔔



白灼魷魚筒:魷魚筒真係好新鮮,灼既時間非常好,咬落好有彈性,唔錯




招牌金鍋真鯛麵線:老闆又突然親自過黎招呼我們,講這真鯛係活的,現點現殺,而且係野生海魚,所以魚片刺身食都可以



見到個鍋我都嚇一跳,真係好大鍋下!老闆幫我放些魚片在湯度



然後等滾起就食得



因為係用酒精既火種,所以唔會好大滾,魚片慢慢浸熟



可以加些配菜



其實麵線我都經常會食的,在香港買壽桃牌藍色包裝那款,但這麵線好快就會糊在一起!但這店麵線就好唔同,煮幾耐都唔會糊在一舊舊,口感又夠滑,之後我都去街市買幾包廈門麵線返香港heehee



試下真鯛魚片先,魚片好嫩,而且無咩魚,魚味都幾濃,一點腥味都無



拆出黎整條魚骨同魚頭輕輕炸一炸,然後用大量蕃茄黎熬制,湯頭好甜好好飲



睇下個魚頭幾大



呢餐食得超級滿足,好滿意老闆對客人既細心,唔會因得兩個人就覺得賺唔多,而降低服務態度,加上可能我們好早到,店還無咩客人



單據



食飽飯,就同媽四圍行下






晚上就搭錯車去了個不知名既夜市!之後再行下超市就回酒店休息
[隱藏]

2017年6日5夜福州、廈門休閒美食遊-day2(廈門編)



沙嗲麵在廈門係好出名既一道麵食,所以今早決定去試試,而吳再添小食店係其中一間比較老字號



餐牌



我就點了兩碗沙嗲麵



沙嗲麵:麵條係用油麵,不過沙嗲湯頭就同港式既有d分別,但我本人會較喜歡港式既,會濃味d,而這店既沙嗲湯頭我覺得有點羶或腥味,唔係想像中咁特別!



食飽後就搭返車去郵輪中心廈鼓碼頭買船票到鼓浪嶼



點知現在遊客係多得好誇張,才早上九點幾已人山人海,亦有好多團,但今日係閒日喎!





我只能買到早上11:10分既船票,已係最快的了......



買完票後,就去附近既food court坐下,外面天氣實在太熱了!




買了個芒果刨冰同鮮芋仙冰消消暑



夠鐘入閘,人龍長到呢,好彩d遊客都幾守秩序



隻船都幾大隻,可容納很多人



早上船就有位坐,不過船程都唔會好耐







話咁快就到鼓浪嶼,真係行得快就好世界heehee



天氣超級之好,熱到爆燈



呢個係回程時既搭船時間表




啊媽一落船就要買支雪條邊食邊行



鼓浪嶼地方就唔算好大,我亦係跟住大隊慢慢行



沿路街邊好多賣生果既小販





其實在鼓浪嶼食海鮮都唔會好貴,但千萬唔好食呢些放出黎既,因唔知放了幾耐!天氣又咁熱,海鮮好容易變質,睇見都唔敢買黎食啊









鼓浪嶼最旺既地方就係呢度,好多商店,極之商業化



呢間張三瘋奶茶店又係好出名的



我又排隊買杯黎試試先,真係印銀紙咁,人龍未停過架!



我就點了經典味既奶茶,茶味係有既,但唔算好別好飲,還要賣成$20蚊杯!



原來這裡還有個街市架





呢間店又係好出名,但天氣實在太熱,我本來都想排隊買黎試,但見等咁耐,都係放棄算了











不過鼓浪嶼都有很多特色既建築物睇既





行下行下就到了我午餐既地方



撈海塢環境比較舒服,價錢亦唔貴
[隱藏]

2017年6日5夜福州、廈門休閒美食遊-day2(廈門編)







室內亦唔少遊客在用餐




睇完餐牌後,就點了海鮮撈粉、素菜煲、花蛤湯、蔥油魷魚,埋單$170蚊




海鮮撈粉:材料份量好足,不過湯頭較為普通,帶唔起d鮮味!



花蛤湯:花蛤好多,湯頭還可以,花蛤亦無咩沙



素菜煲:好多日無食過菜了heehee



蔥油魷魚:魷魚好新鮮,不過蒸過火了小小



單據



鼓浪嶼都有好多情侶黎影婚姻照,不過天氣真係好熱



食飽飯後,就黎到鼓浪嶼最後一個景點,這個景點好巴閉架,無去到就唔算黎過廈門喎,就係日光岩喇



去日光岩主要一路行到頂




這張相已經係到了日光岩上面,上面地方好細,特別係上落都要靠果條鐵梯,都真係幾辛苦下!





影完相就要回程,人太多喇,逗留太耐都唔好意思





















回碼頭路上都有好多建築物睇下





回程路上見到間海鮮飯店,俾個餐牌大家睇下,做個比較,真係唔會太











到了碼頭裡面排隊等上船,睇下道船幾爆!





回到酒店沖個涼,然後出去超市行下





晚餐去了九市牛肉店,這店在當地都比較有名的



餐牌



我們點了一個牛雜飯及牛腩米,份量都係20蚊那款



牛雜飯:睇到賣相都唔錯,湯頭顏色幾討好




牛雜份量好足,而且咬落好腍下,唔會黐牙,湯頭有加到些鹵包去辟腥,不過唯一係個湯頭唔夠熱,可能天氣既關系吧!



牛腩米:我無試





食飽後去了思明路步行街,這裡亦係最旺既地區



呢間八婆婆燒仙草輪渡店生意好到不得了,我都想幫襯,但睇見咁既人龍!都係算了





整條步行街都係賣手信既多,無咩特別



買了兩個台灣芒果,老闆又話熟了,點知咬落好鬼酸,芒果味好淡

2017年6日5夜福州、廈門休閒美食遊-day3(廈門編)



今早我們先到當地最有名既八市海鮮市場行下,順便要買些海鮮,再拿去加工,在酒店搭公車過黎都好方便,車程大概十幾分鐘就到







一入到市場就見到好靚既水蜜桃,顏色鮮艷又飽滿,7蚊一斤真吸引,我們最後都有買回去食,好甜又夠脆口































好多海鮮選擇,價錢亦唔貴








水果亦好多選擇





好多鯊魚仔!












這裡多數賣肉類的





呢檔水果再平些的,好多人幫襯



估唔到廈門既物價俾我想象中還要平



買完海鮮,我們去了這間尚好佳海鮮加工店,大概十一點就開門做生意



收費表

另外這店只幫客人加工食材,本身就沒食材賣的,真係連青菜都要自已買黎加工的!



紅燒海蝦:味道調得幾惹味,第一道菜已很滿意





大蜆:初初見到呢種蜆真係好大隻下,價錢又唔貴,問廚師點煮好,她話滾湯最好,果然啖湯好甜下,睇下塊蜆肉幾大,咬落又唔韌,唔錯




小海螺:呢種螺我好鐘意食架,螺頭又厚肉,肉質又鮮又彈性,超正



紅蟹:隻蟹大過我手掌架,價錢好實惠




哈哈哈,我唔客氣喇

加工費總共$75蚊,海鮮買了大概$150蚊,係咪幾抵呢?



食飽後,我們就出發去南普陀寺,遊客就唔算太多,但太陽就超猛!


































還可以行上山頂的,我就唔願行喇,咁熱





簡單地行了一圈就走



在門口好多賣雪條既人,我都整支消下暑

2017年6日5夜福州、廈門休閒美食遊-day3(廈門編)



南普陀寺隔離就係廈門大學,入去參觀要用回鄉證登記的



大學地圖,聽聞廈門大學係全中國最靚既大學喎



















我就無行晒整個大學,都係隨便睇下就走!



大學裡面既大樹發現有松鼠

遊覽完大學,就在學校公巴站坐車去曾厝垵,不過好多遊客爭坐這車的,所以都要鬥快上車,因為無特別站口俾客人排隊架!



途經白城沙灘



落了車,行過天橋就係曾厝垵



我都係跟住人潮去行,其實裡面都係一條細巷仔,沿路行一個U形就出返外面



好多果汁賣,我都好口喝喇



特別係台灣芒果,真係好多個檔口



我們點了一杯柑桔檸檬同椰子布丁



柑桔檸檬:味道正正常常,天氣咁熱,特別想飲呢類飲品



椰子布丁:又整得幾唔錯喎,有椰香、又夠滑,最緊要係夠凍



上次我中了伏,所以見到都吸引唔到我














火參果我真係好想買黎試下架,事關我都係第一次見,唔知咩味道既呢?等下次有機會才試





我個人覺得曾厝垵真係可以唔去,因為裡面都係賣小食既多,無咩特色!



轉下眼我們就到達好德來薑母鴨店,咪睇這店好似好普通,但這店只專注做薑母鴨這一道菜,應該都唔會中伏掛?



價錢表



眼見既唔止這幾個煲,後面都還有很多個煲的



薑母鴨:黎這店幫襯既都主要係街坊多,所以提供堂食既地方好細,亦無白飯賣,最主要係我對薑真係好一般!相中係半隻份量



但我估唔到這味道係幾唔錯架,薑味唔重,鴨肉好嫩滑,而且好入味,亦唔會好咸,絕對值得一試



在好德來附近見到有間餅店



睇落去好似很老字號



老闆講全部係自家手工製造,亦介紹了幾種餅俾我,我其實係買黎做手信既,聽返朋友講係幾好味既,咁我都開心些



買完野,又搭車去食野,不過今次車程真係有點遠



呢間叫蓮花公園煎蟹總店,不過我地就無點到蟹黎食



好彩等一陣就有檯,坐低後就點了草根湯、炒米粉、蒜蓉炒通菜、沙蟲炒韭黃,埋單$146蚊



草根湯:其實我最主要係黎飲這湯,因為好消暑下火的,雖然係細細煲,但起碼每入飲到五至六碗架,味道好清,好夠火候



蒜蓉炒通菜:忘了叫小油,但好彩見到油唔太多



沙蟲炒韭黃:沙蟲幾大條下,味道好甜好甜,而且還好脆,配埋韭黃真係好夾



炒米粉:這米粉係我一定要點的,因為我媽好鐘意炒米粉,而且這店係有水準既,其實本身係想點海鮮炒米粉的,不過一時大意同職員就咁點炒米粉!



單據

食飽後就回酒店休息

2017年5日6夜福州、廈門休閒美食遊-day4

今日就要回香港,所以決定在酒店食早餐,反正已包的



早餐都算多野食,俾我想象中好,最重要係有麵檔



米線^^



肉鬆白粥配油炸鬼

食飽後,休息一陣就坐公車去火車站



廈門火車站



過了安檢後,裡面等候大堂超多人




終於等到夠鐘上車




安全抵達深圳北,今次很順利完成廈門之旅,交通又方便,下次旅程再見^^
No. 1 Support

我叫志強
人在做  天在看 .. ..
很好看的遊記, 下次如果食沙茶面, 可以去廈大那邊'烏糖'或者'四里', 應該會比'吳再添'好味!
support
新哥 http://www.facebook.com/suntravel.com.hk

===================
酒逢知己千杯少 話不投機半句多
===================
很好看的遊記, 下次如果食沙茶面, 可以去廈大那邊'烏糖'或者'四里', 應該會比'吳再添'好味!
JeffChang 發表於 2017-9-24 19:49
烏糖都在我資料裡面,不過試了一次就放棄左
Support!Support!!very good !!!
nice nice
返回列表