返回列表 回復 發帖

2018年探索新疆11日賞黃葉、歎美食開心自駕遊之旅-day7(超多相)

本帖最後由 dusty01 於 2018-11-4 21:17 編輯

今次新疆之旅能夠成行,係因為公司要我清晒所有大假,又加上新疆朋友6月份已提意我過去玩,所以同公司請了九月尾至十月頭的14日假期,原本想去睇秋天既黃葉美景,所以行程表編了14日,主要玩北疆的路線,但因為很多原因而改變了日數及行程,不過整個行程亦玩得很開心,新疆的朋友們非常熱情招待,最重要係能帶媽去到咁遠既地方,體現到很多新事物.



因為香港沒有直飛烏魯木齊,所以今次由廣州白雲機場出發,深圳出發會貴幾百蚊一程的!






而今次從廣州白雲機場飛新疆烏魯木齊地窩堡機場的來回機票買了$2400一位,其實我係在出發前一日才買,而且係買單程,不過去程係買了廉價9元航空,沒有免費寄倉行李及飛機餐,但有一支水派發,都好過無啦!




今次既行李全部手提上機heehee,很順利地辦好登機手續



登機口在A區132閘口,過安檢時,連對鞋都要除掉!真係嚴謹啊......




今次班機買得超早,所以在機場附近住了一晚,百幾蚊晚又有機場接送,我覺得幾化算



坐低食個早餐先







終於等到夠鐘上機



在機倉還要等了一陣,因有客人遲到!等等等




等到日出才起飛......




由廣州飛新疆要5個小時多些,所以睡下又睇下外面景色




應該越黎越近新疆了,睇到下面景色咁荒涼



因為坐既時間長,所以會同乘客一齊做些伸展運動,都幾搞笑



不知不覺已要降落了



呢個應該係T1機場,比較舊同細



朋友一早已到機場等候,不過天氣唔好,竟然落大雨,都幾影響心情架,朋友講新疆一年都唔多落雨的,你們真係貴人出門招風雨喎haahahaa



朋友直接車我們去食午餐先,好彩雨已停定,我只知這裡係昌吉,這餐廳連名都無的!唔知裡面係怎樣的




嘩!這地方好大,又花園又吊床



而且還養了雞同孔雀





呢棵好像係山楂樹




原來還有蒙古包,幾有特色



呢餐由朋友點菜,點了奶茶、架子肉、烤魚、烤腰子、烤土豆、湯飯等等



奶茶:本來對奶茶有些期望的、但一飲就!好淡同得鹽味,好失望!



湯飯:其實就係疙麵,都幾薄同幾滑,湯頭有羊味,唔錯



現在新疆餐廳已經禁用炭黎烤肉,環保關系喎,一般都改用了電的發熱線,但會烤到d肉好乾!




架子肉:烤得有點過火,但羊味都幾香



烤魚、烤腰子、烤土豆:腰子有少許腥,烤魚還可以,係多骨了些小!

多謝雄哥請客heehee
[隱藏]

2018年探索新疆11日賞黃葉、歎美食開心自駕遊之旅-day1(有相)

本帖最後由 dusty01 於 2018-10-9 02:12 編輯

食飽後就去了另一位朋友家,今晚會住在這裡,一棟好像七層高,一共萬幾呎,真係好大地方!



朋友好喜歡植物,她們主要住最高那兩層,其他層數都分租出去!




好多干果款待我地,新疆家庭就係這樣,我但喜歡這奶酪,幾香牛奶味,唔會很甜,一邊同朋友們談天說地,很開心



這係最高層,只得一房,今晚就住這heehee



另一邊出去還有個小陽台!



晚餐另一位朋友訂好了在伊品齋火鍋,怎知另一位聽錯了在伊品軒!最後經過討論後,還是改去伊品軒!



伊品軒火鍋



好多火鍋材料,自已去選擇,不過唔係任食的那種



一入到房,朋友都已點好了火鍋材料,而且係回轉那種,幾得意,而且係一人一鍋的



中間係羊肉同牛肉




好喜歡這樣的火鍋



啊媽的清湯




我要麻辣的




呢個羊肉餅都好味,個餅好軟熟又薄,總共追加了兩次

多謝玲玲媽跟馬哥請客heehee
[隱藏]
有朋友帶住玩真好 ...

見到個奶茶笑左 ... XD
[隱藏]
謝謝分享遊記
[隱藏]
謝謝分享遊記
merlinman 發表於 2018-10-9 13:49
謝謝觀看啊
[隱藏]

2018年探索新疆11日賞黃葉、歎美食開心自駕遊之旅-更新day2(超多相)

今日訓到自然醒,其實都還早,朋友黎接我們去食早餐




新疆地鐵唔知幾時可通車呢?因為看似都已建好,到時通車了就方便得多




朋友說這間烤的饢係比較好味,分別有原味及洋蔥味的,我較喜歡洋蔥味,回港前買了十五個回去!$5蚊塊



見到有烤包子賣,順便買了幾個,好像$3.5蚊個



早餐去了蘇氏牛肉麵,朋友說這間不錯的



進去一定要過安檢,這是新疆必定動作,所以治安係很安全的,這餐廳非常乾淨整潔,點解我咁講?因在用餐時,突然有四五個著西裝的男女入黎,四圍檢查地方整潔度、檯有否拍得整齊,個個金睛火眼,我最有印象就係連牆身既掛畫框都要用手去檢查有沒有塵埃,檯面係要斜看檢查有沒污漬,真係好嚴謹!





朋友點了些醃蘿蔔絲、醬牛肉、拌黃豆、清湯牛肉麵




清湯牛肉麵:湯頭好清,阿媽那碗就走紅油,清真拉麵特色係要一清、二白、三紅、四綠、五黃,即湯清、蘿蔔片白、辣椒油紅、香菜和蒜苗綠,以及麵條黃亮,這碗牛肉麵都還可以,湯頭一定唔會好濃味的





烤包子:新疆必食之一,但一定要買新鮮出爐趁熱食的,凍了就鮮味大減,包子要薄而脆,餡料主要係洋蔥同羊肉粒,而羊肉一定要手切的,這樣才會有口感,味道醃料有孜然粉、鹽、胡椒粉等等,羊肉又唔會很羶、係很好味的



饢:阿媽超鐘意食!

食飽後就去了朋友家聊天



酸奶:其實我對酸奶就很一般般的,有些牌子的味道覺得可接受,有些就很難接受到!現在還推出很多新款,又密瓜又柚子,反正我就唔多去試!




食下干果同水果,這個桃好甜,葡萄係早兩日在吐魯番採回來的,已係最後一造喎,葡萄都係好甜的



午餐就品嘗朋友做的湯飯,加了牛肉、豆腐、蕃茄等等,我食了兩碗,好味

等朋友接了女兒回來,就出發去二道橋大巴扎



我們搭BRT公車3號線去團結路站落車



時代廣場



這裡就係二道橋大巴扎步行街,係非常多人潮的地方,有野買有野食,入去睇睇先



要入步行街,首先要安檢先,第一段主要係賣地道新疆美食,然後再去第二段就係購物為主,但一樣要從新再安檢一次!




現在既大巴扎已沒有了從前的味道,只感覺到係商場化,但每一檔口都變得乾淨同企理,而且統一用微信支付,不收現金的!




原始烤鵝蛋係新疆特色菜,雖然賣得唔平,但一定要試,我就不在這裡品嘗的



烤羊肉串









羊頭肉及羊腿



沙灣最出名就係大盤雞



羔羊肉



烤全羊:完全唔見有客人幫襯hahaaaa








薄皮包子:其實就係比較大的蒸餃,係羊肉餡的

2018年探索新疆11日賞黃葉、歎美食開心自駕遊之旅-更新day2(超多相)



烤雞





過了馬路後,就係第二段街,主要賣手工藝品、衣服、干果等等







朋友講呢度係做遊客生意多,所以價錢會貴些,建議我唔好在這樣購物,去批發市場入貨比較化算





呢個係手工做的酸奶雪糕,係比較甜左些,但幾濃奶味的



呢間賣饢的店好多遊客幫襯,朋友話很出名的



傳統美食面肺子、米腸等等



缸缸肉:呢個羊肉湯係我最想黎新疆品嘗到的食物之一,我亦真係好好彩,因已係最後剩的8份缸缸肉,其中六份係已被訂好的,我剛好要最後兩份,但前面那六份的人可能已等了成個鐘,我就等了大概十分鐘,因為每次都係新鮮制造,未必每個人都可這樣等!




缸缸肉其實係燉湯,主要有羊肉、黃蘿蔔、胡椒等等,肉既份量好足,湯頭有羊味,唔算好濃那種,但飲得出好鮮甜,咁凍既天氣飲就最適合,成個人都暖暖



薄皮包子:其實餡料同烤包子差不多,羊肉塞到滿滿的,還有些肉汁



邊欣賞月光,邊同家人及朋友品嘗美食,幸福其實就係咁簡單^^



食飽後就搭車回家休息
chiuming

2018年探索新疆11日賞黃葉、歎美食開心自駕遊之旅-更新day3(超多相)

本帖最後由 dusty01 於 2018-10-11 16:37 編輯

今日好早就起床,因為要去天山天池玩一日,但其實之前行程係以下,但因聽到阿勒泰朋友說哈納斯落大雪,已封山,叫我們搭火車到,然後再定行程阿勒泰,但烏魯木齊搭火車到阿勒泰要11小時,我怕去到又入不到景點,車程又辛苦,所以最後決定放棄,等下次再去!

01Day8 : 早餐 > 可可托海 > 布爾津 > 河堤夜市 > 友谊峰大酒店酒店

02Day9 : 禾木村半日遊 > 民宿


03Day10 : 禾木村 > 喀納斯 > 蝴蝶山庄民宿


04Day11 : 喀納斯半日 > 遊神仙湾 > 月亮湾 > 卧龙湾 > 白哈巴村


05Day12 : 白哈巴村 > 哈巴河 > 五彩灘 > 克拉瑪依市 > 烏爾禾魔鬼城看日落或日出 > 克拉瑪依市 > 晚餐 > 克拉玛依乐尚精品酒店




先在附近食個早餐先,這間杭州小籠包好多人幫襯,最重要係個老闆娘又後生又靚女,不過就無影到相!我們簡單地點了一碗小餛飩、一籠豬肉小籠包等等



小籠包唔似湯包咁多汁,但餡都幾足料,味道都唔錯,睇住老闆娘一邊整包,我就一邊食^^



餛飩加了很多紫菜同蝦米仔,雖然湯頭無咩特別,但加了呢兩樣材料後就變得無咁單調,餛飩皮好薄,我反而覺得餡就多左dd,但整體係ok的



食飽後就上車



出發去天山天池,由市區出發大概一小時就到



沿路都係好荒野



終於到達天山天池,原本以為就咁去安檢就可進入,但原來港澳同胞都要去警務站辦手續的!



好彩個警務站就在阪附近,而且係不用另外收費的,辦完就會俾這張紙你去安檢!



入到大廳當然先去買票,門票係$160蚊位



買完票後,就坐景點裡面既大巴上天池




不過加車開到中途就要下車,一定要經過呢條文化村



門口還有駱駝騎,當然要收費的




行完文化村後,又上返車









見到好多黃葉,好靚



車上講解員講,前面這窄路係自然分開兩段的,唔係人工開採喎





然後又講呢兩棵樹係連理枝,係自然生成的




沿路景色都幾靚,我覺得比夏天更好看




大概25分鐘車程就到達停車場,不過離天池還要再行多800米路



沿著前面樓梯上去,其實都好近



如果唔想行上去,可買車票坐車上去,$10位,我就決定坐,因唔知天山要行幾耐,怕我媽累!



呢個就係天池,個湖都幾大面積,風景好靚,遊客亦唔算多,正啊






啊媽話肚餓,要買個饢食,$10個,都係現場烤的



因為我們要搭纜車到天山,所以要再買票,原價$220蚊一位,不過之前在車上個講解員有張$10蚊優惠卷派發,所以可減$10蚊位^^,然後再坐這黃色小車去纜車站




落了車就四圍影下相



沿著這路落去搭纜車




在一千八百幾米搭去大概三千米的天山觀景檯

2018年探索新疆11日賞黃葉、歎美食開心自駕遊之旅-更新day3(超多相)

本帖最後由 dusty01 於 2018-10-11 16:35 編輯



天山景區圖



好快就到達觀景檯



在山上看到的景色好靚,又有雪景,天氣唔太凍,好舒服



我之後向上行了一段樓梯,去到第一段觀景檯就回程,因向上行的景觀應該差不多











周圍影了很多相,然後去坐回纜車落去





到達了天池,再四圍影相











我們只在天池附近影下相,無行得好遠

2018年探索新疆11日賞黃葉、歎美食開心自駕遊之旅-更新day3(超多相)

本帖最後由 dusty01 於 2018-10-11 16:34 編輯






影完相,就慢慢行落去搭車






落了車,又會經過室內既手信店,但我只買了哈蜜瓜食,現場原個即開,好像係$5蚊,哈蜜瓜好甜好多汁

到了市中心,就去了小尕子食晚餐,這餐廳好多分店的



又係舌尖上!



餐廳既環境幾舒服



我只是睇下餐牌,主要交俾朋友點菜,之後點了尕子羊蹄、尕子羊肚、新疆饢包肉、酸辣涼粉、熗蓮白、虎皮辣子燒茄子、羊拐抓飯、花卷X4、藍莓山藥、家燒絲瓜、我愛涼皮、黃桃X2等等



酸辣涼粉:涼粉整得好滑,酸辣味亦唔會很重



尕子羊蹄:羊蹄炆得好腍,膠質亦好重,雙唇邊食邊粘著,份量亦多



羊拐抓飯:手抓飯就一般般,飯亦比較淡,沒有羊油香味



尕子羊肚:羊肚爆炒得剛剛好,夠彈性唔黐牙,一d都唔韌,這個必點



熗蓮白:蓮白超脆口,絕對係口感既享受,真係唔知點炒的,只是多油了些!



新疆饢包肉:呢個饢都ok



虎皮辣子燒茄子:個醬有點失敗,如果係用豆瓣醬又覺得好淡,總之味道有點怪!



花卷:我個人對包類都一般般



藍莓山藥:無試



家燒絲瓜:竟然係同蕃茄一齊煮,都幾特別,絲瓜好甜



我愛涼皮:好像食河粉咁!



黃桃:無試



單據
chiuming

2018年探索新疆11日賞黃葉、歎美食開心自駕遊之旅-更新day4(超多相)

今日整日時間都係去購物,趁住有時間就先買了玉石同手信先



玉石市場在新疆有好幾個批發市場的,但在近她家的都有賣玉石的地方,我地去了好幾間,但發現某一間係明碼實價俾你睇的,因為很多間都不會睇到個價錢同亂開價所以要睇中了才問價,最緊要記得要講價





新疆的和田玉出名就係人都知,但一睇到個價錢就嚇得我一跳!全部都過萬的,好彩老闆娘講全部都係打折,即睇少一個零,然後其實還可再打折的,但要睇你口才了heehee,啊媽同家姐之前已講了一定要在新疆買玉鐲



呢塊蝴蝶掛飾我一睇就知家姐會喜歡,所以即刻影俾她睇,她話好靚



睇過試完後,最後就買了呢三件,價錢折完後好實惠




每件玉石都有國家證書的





我就一眼就睇中了這猴子的掛飾,不過塊玉係有點裂痕的,我亦在外面睇過猴子的掛飾,但都唔太喜歡,係這塊雕得比較合眼緣,所以最後同老闆討價還價,以超低的價錢買到^^



買完野後,就去食午餐,街邊很多這類賣水果的檔口



午餐去了伊犁阿舍面肺子,都係清真菜



睇完餐牌後,就點了臊子麵$12、羊雜麵$20蚊、油香$2蚊、酸奶、羊蹄$8蚊等等



酸奶:無試



油香:我食不出有什麼味道,就係好淡!



羊雜麵:羊雜碎很足料及處理得好乾淨,湯頭亦很濃厚,一點腥味都無,麵條係手工打的,筋道都可以,整體非常滿意



臊子麵:無試



羊蹄8蚊一隻真係抵啊,羊蹄煮得好腍,骨膠很黏住個咀,好味



這個女仔一個人竟然可食咁多!真大胃口



食飽後,收到另外一個朋友打電話黎講,她現在收工,可帶我們去行下,同埋她在公司個250畝花園度採了自家種的蘋果及葡萄^^,亦養了很多家禽黎招待Vip客的,不過我先把水果放低在朋友家先



朋友帶我們去紅山公園行下



唔知呢座塔有咩特別!



在公園頂部影下相,然後就去買手信

RE: 2018年探索新疆11日賞黃葉、歎美食開心自駕遊之旅-更新day4(超多相)



我們買手信的地方叫華凌批發市場,這裡地方超大的,什麼批發既東西都有



我們先去買干果,好多款式







新疆黄冰糖:味道唔會很甜的



桑子干



沙漠果:味道都係好淡的




紅棗夾合桃同葡萄干:平時都係食紅棗夾合桃的,加埋葡萄落去都幾



葡萄干都有好幾種,老闆介紹了些無漂過的俾我們



天山雪蓮120枝






之後再去商貿批發城睇下手工藝品,幫家姐買了些,但如果遊客去都會亂開價!



買完野就去食晚餐,今晚食大盤雞,這間店叫沙灣大盤雞,朋友一般都這裡食



朋友負責點菜,有蔥爆羊肉、水煮牛肉、熗白菜、大盤雞、辣子雞、爆炒羊肚、涼拌青瓜、涼皮、菌湯等等




我就先試試朋友公司採的水果,蘋果就酸了些!但葡萄個皮好脆口,果肉很甜很甜



唔知咩茶,都幾好飲,加了冰糖的



蔥爆羊肉:如果香些就更好,羊肉一般



水煮牛肉:牛肉幾嫩,但辣唔夠層次,花椒味亦唔夠



熗白菜:白菜唔脆口!



菌湯:味道普通!



辣子雞:雞肉都較粗糙,辣度還可以



爆炒羊肚:份量好多好多,切得又大塊,但D醬同配料爆得唔夠香,味道唔夠濃!



大盤雞:呢個大盤雞真係好普通!朋友都講差左好多,唔通換了廚師?雞已經很普通,但個汁都唔香濃!失敗



皮帶麵:一般係配大盤雞既汁撈黎食



涼拌青瓜:都OK



涼皮:無試
chiuming
返回列表