返回列表 回復 發帖

2019年5日4夜帶著媽遊台北歎美食之旅-更新day3(多相)

本帖最後由 dusty01 於 2019-3-17 21:33 編輯

今次台北之旅因剛好有五日假期,加上又剛剛過了新年,所以決定帶啊媽去台北玩幾日,反正她未到過台北,於是上網查下去台北機票連住宿既價錢,來回機票連稅同酒店共差唔多五千蚊,今次搭中華航空,連稅千五蚊位,其實同國泰差唔多價錢,但我鐘意中華航空班次較早,住宿就選擇洛基大飯店忠孝館,我喜歡住這區,又近地鐵站出口,四晚住宿包早餐價錢大概二千八蚊,而入台證就在網上可伸請,今次行程主要輕鬆些及飲飲食食為主^^



今次因為係早上8點機,所以5點半在樓下搭A車機場巴到機場,又真係好快就到達




中華航空櫃檯在F區,好快就辦理好



今次閘口在63區,所以要搭無人駕駛車




而今次這班機都算中型機




話咁快就上機喇



坐位有獨立顯示屏,有電影提供



還有靚靚空姐陪heehee




好快又到派餐,但無得揀的



雞肉飯



同蛋糕



外面都幾多雲,食完得餐一陣,就話要降落



台北天氣都係陰陰天,但好彩無落雨



機程大概一個小時十五分鐘就到達




因為係早機,入境都唔太多人,十幾分鐘已辦理好,然後去等行李




拿完行李,先去粉紅色牌那裡,有部櫃員機可提台幣的



之後再去買電話卡,其實幾間價錢都係一樣




因為唔想轉車,所以今次搭遊機場巴士,價錢平過機場捷運少許!



然後再買兩張悠遊卡,方便搭車,之前那兩張唔知放了去邊!



我們搭1960



成架巴士得3個人咋!



沿路都無塞過車



車程大半個鐘就到忠孝復興站落車



然後一條大直路行去忠孝敦化



沿途經過間沐白,香港都有分店的,朋友講幾好飲的,遲些行過來試試先



唔想行路面,亦可行地下街去酒店附近出口,極方便



呢些街邊走鬼檔,以前大多數黃昏才出現,現在就早上已擺檔!




酒店在ZARA對面條小路



明曜百貨旁邊



先到大堂辦手續及寄存行李,因下午3點鐘才有房間的!



呢張係酒店地圖



我們當然先去醫下個肚先



午餐去了小六食堂,在行天宮站附近的,一般要訂檯或好早黎排隊,我們無預先打黎訂檯的,但好幸運還有兩人位,之後的客人都要在外等了




餐牌




我們點了海華丼及焰星鰻丼,埋單$600蚊,鳴謝BOBO姐請客heehee



焰星鰻丼:睇賣相真係幾吸引,份量好足,在香港唔知道要幾錢才食得到呢?不過呢份係我媽的heehee



海華丼:這碗海鮮丼材料起碼有八至十種,食材賣相亦好新鮮



睇到三文魚既油花係好靚的



海膽亦無溶化,入口唔苦又唔腥,整整小六食堂係值得一試再試的
[隱藏]


食完午餐,我就帶啊媽由行天宮慢慢行去四平街,其實就在松江南京站附近,順便消化一下





建國市場唔係好大,裡面亦比較普通細街市那樣





呢檔手工麻糬好多人排隊買的,都係本地客多



順便看看有無些手信可買



呢間富霸豬腳都係在四平街,而且人氣很高企的,其實我都唔明這店有咩咁值得排隊,我之前都試過一次,滷汁唔算好出色!



因咁多人排隊,搞到我媽都想試下



先排隊及填定想食乜,我們點了兩份豬腳、白飯、青菜、蘿蔔湯,埋單$250蚊



裡面真係坐爆晒的



豬腳:豬腳偏細隻、而且骨多過肉,咁就$160台幣,一份$80蚊,最慘係無其它部位可選擇,豬腳係炆得幾腍既,但個汁真係好普通,我媽話自已滷的都比這店好,呢個係事實,而且連些小冰糖都無落,整個汁就顯得較單調了!




蘿蔔湯:這個湯就比較正常,而且台灣既白蘿蔔係好有蘿蔔味的



青菜:菜都幾脆口,唔錯



白飯:我倒些豬手汁去撈黎食



大合照

食飽後就先回酒店拿房間,然後再出動




黃巾珍珠奶茶:這檔奶茶經常都很多人幫襯,特別係晚上,唔知係咪賣得平呢?




我就點了杯珍珠奶茶,不過係唔好飲的,無咩茶味!伏伏伏




然後在附近行下街





特別要去SoGo買牙刷頭,因為平過香港的,所以要買幾盒先得



最終買了四盒,每盒有四支



呢個洗衫波波雖然買一送一,但都唔夠一田大減價咁平





買完野後,再去101影下相


[隱藏]



今日晚餐我們去饗.食天堂食自助餐,我們選擇ATT 4 FUN 信義店,而我出發前幾日已直接上官網訂位,很方便



價目表



裡面環境都幾唔錯




我們兩個被安排靠窗位置







以上係甜品



以上係飲品



水果



以上係海鮮冷盤



以上係熱葷




燒牛肉













以上係沙律



以上係冷盤食物




以上係壽司及刺身







以上係炸物
[隱藏]


以上係燒物



薄餅




焗蠔




以上係湯及茶碗蒸




鐵板燒



奶油海鮮寬麵




港式燒味









以上係港式點心



台灣特色美食有麻油雞、鮮蛤蜊湯、御膳桂丁雞湯



即點即煮的





以上都係些熱葷




先試下d海蟹,唔太大隻,但都幾好肉,不過d蟹肉已雪到變了質,一點鮮味都無!



螺唔大隻同有沙!魷魚其實很新鮮,但唔知點解就係無晒味道,放入口都唔知食緊乜!蝦都幾大隻同新鮮,三文魚都好食



壽司不過不失



醉雞都唔錯



藥材湯都ok



蛤蜊湯好飲,蛤蜊無沙的



麻油雞麵線都唔錯




和風銀杏土瓶蒸:味道還可以



最後就係食甜品,選擇唔算很多,但都幾好味的



食完雪糕就好飽了!





之後就回酒店休息^^
[隱藏]
chiuming
[隱藏]
thanks for sharing!
2老餅12天布吉-krabi自駕遊 (Unseen Thailand)完結篇 http://www.thailandfans.com/forum/viewtopic.php?t=27961

2019年5日4夜帶著媽遊台北歎美食之旅-更新day(多相)

今早在酒店食完早餐就外出,不過主要係我媽喜歡在酒店食,我只是陪她,而酒店既房間相同早餐會在寫完五日之旅之後再補上!



其實今日唔太凍,但我發覺很多台灣人都幾怕凍的,咁0岩又影到這張相做對比hahahaa



我們搭車去台北車站,然後在Y11出口行去蔡記岡山羊肉




睇完餐牌後,我點了當歸羊肉麵線,埋單$150蚊




我們坐在店外,這裡的店都係好細間,檯都係放外面的




當歸羊肉麵線:湯既色澤幾討好,飲落有淡淡的藥材味,濃淡適中,羊肉亦食得出夠新鮮,同埋唔羶的,肉質又有彈性,而麵線都係好滑有彈性,非常唔錯




食飽後就在華陰街行下,主要賣衫、褲、鞋,不過款式超老土!另外附近有間福元胡椒餅,不過中午才開!




之後去返台北車站地下街Y區行下,順便睇下去機場條捷運線點行的,因回程會搭,都很多指示牌教你點行去買票的



在地下街行了一陣,又行一段路去食午餐




今日午餐去了雙月食品社,這間店超火爆的,加上米芝蓮效應,我們大概中午12點去到,門口唔算太多人等位,不過最出名的油飯已在11:45已售



睇完餐牌後,我們點了蛤蜊燉雞湯、乾蚵、地瓜菜、乾拌油麵、豆干、檸檬愛玉、冬瓜愛玉等等,埋單$460蚊



冷盤小食



店唔算太大間,但很爆,坐得有點迫,我們被安排坐在左邊玻璃度,係要對住玻璃食飯的



豆干:滷水味唔會太濃,帶點甜,豆干幾嫩滑



地瓜菜:菜灼得幾翠綠,亦唔會灼過火,但其實我係想點高麗菜的,不過店員講個湯已有高麗菜喎!



乾拌油麵:個汁同個麵都幾夾,主要醬汁入口很順喉,唔錯



乾蚵:蚵仔粒粒很肥大,很新鮮




蛤蜊燉雞湯:睇賣相係幾大堆頭的,但其實賣相就一般,雞肉望落好像有點粗糙!



但咬落又幾ok喎,雞肉幾好食,而高麗菜都幾甜,但我想特別講下湯頭,整個湯係幾濃既蛤蜊味,但幾單調的味,一點雞味都唔覺得有!



檸檬愛玉、冬瓜愛玉:這店很出名的飲品,我就飲檸檬愛玉,酸酸地很醒胃,幫助消化下,愛玉好滑滑,好正



食飽後又行返去台北車站



去了京站時尚廣場逛下,點知很好彩見到Superdry專門店做緊5折,我即刻去睇下有無自已喜歡的外套



俾我搵到昨天想買的那款,好彩在101那分店沒買到,因價錢無減價得多,我又唔係必須要著的,所以咪忍手



試了件衫,都幾滿意,如果係紅色就更好,不過半價就決定買啦heehee



逛了一陣,就帶媽去食個下午茶,其實點解會黎京站時尚廣場,主要就係為了去這間woosaе⑦ンみワ 屋莎鬆餅屋,超期待的



店內環境都幾簡潔同光猛,睇完餐牌後就點了蜂蜜冰淇淋鬆餅配黑糖拿鐵咖啡、芒果冰淇淋鬆餅配熱水果茶,每個鬆餅價錢都會配一杯飲品的,好像係$130價錢內的,埋單$690蚊




芒果冰淇淋鬆餅:其實本來係點綠茶味的,但發現餐牌沒有了!最後就改點這個,但之後才發現跟原味係一樣的,只是多了些少芒果肉,但價錢就貴些的,唔值,芒果肉就算了吧!唔係用新鮮芒果,但個鬆餅我真係要贊下,睇賣相已超吸引了,很鬆軟很動L的,一啖咬落係好濃既蛋香味,入口好舒服好舒的




蜂蜜冰淇淋鬆餅:我覺得經典比較好味些,蜜糖不用落太多,真係超好味架



熱水果茶:媽講幾好飲



黑糖拿鐵咖啡:一般,咖啡味唔太濃



單據



之後回忠孝敦化,去sogo再買牙刷,發覺買8支裝的更平,大概$190港幣,買了16支

2019年5日4夜帶著媽遊台北歎美食之旅-更新day2(多相)

本帖最後由 dusty01 於 2019-3-12 22:51 編輯



買完野就去找賣鹽水雞啊姐,這檔鹽水雞真係會欲罷不能的,我買了半隻,再加青瓜及白筍,埋單$150





啊姐這檔鹽水雞係街邊走鬼檔,逢星期一休息,黃昏才開檔的,這兩張相就係企在檔口影的



啊姐好快手地拆骨





雞肉皮好薄薄的,係走地雞





雞肉同雞皮都好夠彈性,雞皮係脆口的,連雞胸都一樣好食



青瓜同白筍都係好脆口



在酒店休息了一陣後,就出發去家樂福睇下有咩手信買下,買完野就出發去寧夏夜市



寧夏夜市離家樂福唔太遠的,呢晚都幾多遊客




呢間飯團長期有人排,名氣大,但我一定唔會再幫襯,事關更好食的在對面那檔heehee






上次黎寧夏夜市都已相隔兩年幾了,估唔到都有些變化,最大變化係檔口多了很多,行人路又窄了,真係唔太好行,連想好好坐著食都唔舒服!



黎寧夏夜市最吸引我的就係這檔,係賣魷魚羹的,係我食過最念念不忘



賣相依舊吸引,但感覺魷魚份量少了一兩塊,但個芡就調得很好,不會很稀或很杰,魷魚好彈性,非常滿足^^



炒米粉就正正常常

行了一圈,想食的又太多人排隊,我媽都唔想再行!



於是我去買個飯團食,好彩今日有開檔,記得這間啊嬤飯團我幾年前無意中見到,然後買了一個就愛上了,而且真係老婆婆擺檔的,現在就變了個男人



不過就算換了人,應該水準都唔差很遠既



材料很足,$40蚊一個真係超抵



熱辣辣的飯團真係特別好食,加上台灣的油炸鬼係特別脆口的,我媽都大贊



食完飯團後,就在隔離吉龍堂買杯珍珠奶茶飲



珍珠奶茶:這間的奶茶又幾好飲喎,茶味夠,又唔會太甜,當然我係要小甜的,但有很多珍珠奶茶店的珍珠係好鬼甜的,好像珍煮母就係!

之後就回酒店休息喇
chiuming
孝順

  BKK四日三夜SPA購物遊2008-10-8
  香港人在深圳 吃、喝、玩樂 2008-11-24
  盲摸摸,膽粗粗,直闖吉隆坡2009-8-8
  泰國雙節雙城記2009-9-29
  桂林定貴淋2010-8-4
  不到長城非好漢,到左城好好看2011-8-13
  闊別兩年再回曼芭2011-10-8
  東京漫談2017-10-28
支持鴷

  

2017恭喜發財之又又又逃離香港回鄉八天之旅
2017回鄉三十年,首次玩潑水節^^十一天之旅
2017結婚四週年紀念@布吉11天魔鬼瘋狂遊
2018曼谷+布吉島11天慢活之旅@姐夫生日篇
2018曼谷6天新探索之旅
2018老婆生日曼谷三天快閃之旅

Support Support
我叫志強
人在做  天在看 .. ..


今日訓醒就出發去食早餐先,這檔粢飯就在酒店樓下側,只做早市,附近亦有很多這樣的檔口,不過今次就無試了




這間昌吉紅燒炖鰻店上次已想試,今次終有機會來品嘗



這店開在平民區,一般都係做街坊生意



這一鍋應該做湯頭?



餐牌

我就點了一份紅燒炖鰻及炒米粉,埋單$105蚊




紅燒炖鰻:湯頭有些比較淡的藥材味,其實都係當歸那些,但就像白水煲當歸,再加些酒,比較平凡,鰻魚就很新鮮,表面係炸過的,其實我覺得應該把鰻魚分開上,表面唔會浸到腍身!應該係要食脆口的......



炒米粉:米粉都幾彈性,都ok

食飽後就慢慢行去迪化街



這店就在隔離,好像幾唔錯,不過我要留肚食其它野



這間柴寮鯊魚煙百年老店是我第二站,係食鯊魚內臟的



老闆推薦我食綜合鯊魚煙二人份,埋單$150蚊



店裡牆身貼滿些老闆跟名星的合照相




綜合鯊魚煙:有鯊魚腮皮、鯊魚喉嚨、鯊魚肉等部位,但主要都係食骨膠原,這些鯊魚內臟都經過煙熏,但其實全部都沒什麼味道,很淡很淡的煙熏味,完全沒有鯊魚本身的味道及腥味,放入口真係唔知食緊乜!但都有些Q彈既



食完野,好快就行到迪化街,今日天氣非常陰






在永樂市區裡面,這間油飯永遠都大排長龍,我一次都無試!



因為食飽左,所以都無幫襯








行行下見到這間大盜陳珍珠奶茶,這店最出名係烏魚子奶蓋,不過我就無試到,我都係飲返些正正常常算了



黑糖珍珠鮮奶:奶味都幾濃,加埋黑糖都唔錯,珍珠都幾彈性,又唔會很甜

剛行完迪化街時,開始有點雨了,我就穿過地下街去搭捷運返酒店休息下,都行到有點累!




在酒店小睡了一下,抖足精神再出發去饒河夜市,今日好像係台灣假期,所以特別多人流!




現場人山人海,饒河夜市條行人跟本身都已經夠窄了,行起黎都唔太舒服
返回列表